撰文：陳可欣 編輯：靈風
「男主外，女主內」，Rebecca 是全職家庭主婦，二十四小時打理家中大小事務，每日還要跟兩個反叛兒子角力，一度令Rebecca筋疲力盡，她多麼渴望有人能夠幫忙分擔她的重擔，然而丈夫（Wing）在外工作已夠辛勞，回到家中只是有心無力。這十五年來，Rebecca一直承受著無比的壓力，猶如壓傷的蘆葦。
Wing日間要顧著工作養家，晚上還要到夜校上課、溫習、做功課等，所以回到家便很少理會家裡的事。「由於跟孩子的關係愈嚟愈差，所以好想丈夫幫忙處理，可惜每次佢都只會冷漠地回應：『你搞得啦，我返工已經好攰。』」Rebecca覺得丈夫完全忽略了自己的感受，負面情緒亦只能藏於心裡。
「Wing係一個好理性嘅人，而我係一個好感性嘅人，每當我跟佢訴苦時，佢都好難理解我嘅感受。我唔單止唔能夠宣洩我嘅負面情緒，心裡面難受嘅感覺亦越嚟越強烈。」
「女主內」的無力
Wing長期的不聞不問，甚至因為太疲累而冷落了妻子，漸漸令Rebecca產生不滿。「記得有一次，我煮好晚飯待丈夫回家食，點知佢因為太累，回到家後便直接走入被窩裡倒頭大睡，當時我心裡啲火湧到心頭，氣沖沖地走到床邊，直接揭開被子大鬧他：『屋企嘅事你又唔理，我咁辛苦煮飯比你食又唔食，有無搞錯啊！』」
當時Wing並沒有理會太太，拉回被子便繼續睡覺，Rebecca就更憤怒了，但神就在此時在Rebecca心裡作工，「雖然我當時好嬲，但心裡卻喺度默默禱告，我唔想再咁樣爭吵落去，我求神臨到我們中間，化解呢次紛爭。」
就在Rebecca禱告後，奇妙的事接著發生。「我這次是輕輕地揭起被子，心中嘅怒氣突然消失了，更不自覺對Wing說：『其實我好愛你。』，而Wing在朦朧中回了我一句：『我都好愛你。』」
Rebecca深信是因為神在動工，不然一個滿腔怒火的人怎也不可能會說出如此大反差的說話呢？
丈夫的蛻變
Rebecca 從新努力學做媽媽，「上咗『反思對談』課程後慢慢明白到，若要有好嘅對話，必須先放低自己，了解同埋尊重對方嘅性格特質，然後再用佢會接受嘅方法嚟溝通，咁樣先會成功。」
Rebecca和兩個兒子的關係越來越好，Wing看在眼裡，原來太太的努力也悄悄地影響著丈夫，Wing在中途也加入了課程。
Wing首先學習到如何與太太相處。「我係一個好理性嘅人，而太太好感性，以前我忽略咗佢嘅感受，後來先明白到感性嘅人猶如海棉，當負面感受被填滿時，理性區域都會被負面情緒蠶食，令佢無法抽離，十分痛苦。於是，我就嘗試多去理解佢嘅感受，不再做批判者，果然我倆嘅關係得到改善，爭拗都少咗。」
夫妻關係的好壞，往往都會直接影響親子和諧，要維繫一個家，從來不是一個人努力就足夠。Rebecca感恩神卻沒有放棄這個曾經關係破碎的家，祂親手用愛去醫治和撫平傷痕，祝福這個家走出困局。（三之二）
