撰文：陳可欣 編輯：靈風
「撕裂有時，縫補有時；沉默有時，說話有時；」（傳道書3：7）Rebecca 和 Wing 一家人的關係經歷破碎，他們走過15載艱難日子，如何能縫補撕裂，破鏡重圓？眼前不可愛的伴侶，為何變得可愛？
Rebecca 回想與丈夫 Wing 過往的一般關係，可以用「勢成水火」來形容。不止性格上完全相反，就連生活習慣也有著天南地北的差異。「Wing 係一個好愛整潔嘅人，而我係較為混亂嘅人，我哋經常都會為不同嘅生活習慣而爭吵。」Wing 記得以前經常會為著洗碗這種少事而埋怨太太，「她可以忍受到將用過嘅碗碟放住唔洗，但我就完全唔能夠接受，最後我都會好唔忿氣去洗。」
接納對方的不可愛
但參與了「反思對談」課程後，夫婦倆都明白到接納對方的性格差異是很重要的。同樣以洗碗為例，Wing 現在覺得要他洗是沒有所謂的，「太太平時已經要照顧屋企，我應該幫忙分擔家務，而洗碗又唔係乜嘢大不了嘅事，我都會好樂意去做，而且仲好有成功感添！」
學習基督的愛
Rebecca 認為兩人性格的不同，正正是神給予一對夫妻的功課。「上帝將兩個性格差異好大嘅人放埋一齊，必定有衪嘅心意。夫妻相處從來都唔係容易嘅事，但就喺過程中不斷磨合，磨到某個程度自然搵到合適嘅相處方式，而且從中亦能夠更了解對方。」兩夫妻學會接納對方後，也開始懂得欣賞對方，關係也逐漸改善了。
上帝的捨己精神深深影響著 Rebecca，她坦言是神挽救了她的婚姻。「曾經因為與 Wing 成日爭吵，令我很想放棄呢段婚姻關係，但感恩我有信仰支撐住，時常祈禱，後來我嘅想法都有改變。」耶穌所受的痛苦是無人能及，祂被釘在十字架上流出寶血而死，對比起來，人所受的苦並不算甚麼。「仔細諗諗，其實我都有做錯，所以唔應該只著眼於佢做得唔好嘅地方。」當意念一改變，不可愛的人也慚慚變得可愛，神作工就是如此奇妙。
努力終於有回報
Wing 和 Rebecca 發現當他們的婚姻關係改善之後， 與兒子們的關係也逐漸拉近。大兒子Kenneth 與父母說話的態度慢慢改善了，「我直接話佢知，媽媽係一個好感性嘅人，如果你一直用較為粗魯同大聲嘅語調同我講嘢，我嘅理性位就會閂埋，我哋就無辦法溝通，所以Kenneth 開始注意佢同我講嘢時嘅音調，爭執就自然減少。」
而小兒子 Ricky 的改變令夫妻兩最感恩惠，「Ricky 係做廚師，平日工作已經好辛苦，但佢番到屋企都會好主動為我哋炮製美食；有一次佢知道我哋肩頸勞損，同埋身體有痛症，佢特意買咗一部按摩椅比我哋享用⋯⋯我哋以前諗都冇諗過。」這些小事對其他人來說可能微不足道，但對這對夫妻來說卻是很珍貴的時刻。
「『愛是恆久忍耐，又有恩慈。』相信神必定會做工，只要一個家離不開愛，家人間就必定能再次連結起來。」Rebecca 相信如今這個充滿歡笑的家，一切源自神的愛。 （三之三完）
